周末家姐帶咗兩隻百厭星番來,因為距佢地放暑假,所以會過黎住幾日,
一入到屋裏面就依哇鬼叫,開心到周圍跑,無計,因為佢地最鐘意過黎...

侄女一見到我,就同我講:"姨姨,我攞咗份生日禮物過你卑你呀".
收咗之後即刻打開睇,原來係我最中意既keroppi...
仲有畫左張卡仔卑我...好開心...

原來悠嘻猴有咁多表情,好似一共有200多個.
而家呢到有198個,咁多唔同,一定岩曬你用la...

               

今年既生日我諗係最開心既一年...
雖然並無點去大搞自己生日,但朋友同至愛被既驚喜,真的令我非常開心.
上星期Pauline早就約好我4號,所以上週末無返hk,
陪Pauline係深圳買野,但真係無諗到見到佢既時候,
佢竟然係hk買左個蛋糕上黎同我慶祝.
(原來上深圳並唔係因為陪佢買野咁簡單,只係想同我慶祝)
當日提早同我慶祝生日既有Pauline,Jovy,阿娉...

呢盆花係我由種子種到開花,
不過因為天氣太熱既原因,花花今天已經枯死了...

呢張相係早前影架...

大家覺得Q唔Q呢?

前兩個星期一直都好忙,朋友既婚宴,阿婆既大壽,朋友既生日,再加埋工作上既野,
前幾日又請假同咗成班朋友去咗浸溫泉,原來浸溫泉真係好舒服...
不過玩咗幾日,曬到黑曬番黎,但玩得都好開心,
唔知係未因為太攰,搞到番工成日都無乜精神咁,尋晚仲因為太攰,一收工就番左屋企訓,
點知9點醒咗之後,夜晚一直都訓唔到...
眼光光咁,等到天光,見到窗外好靚,所以影低咗...(不過手機影的,所以麻麻地...)

好耐無出街食飯la,臨收工老公就打電話俾我,話返緊來,
諗住佢返到黎都成7點,問佢今晚想食咩,之後煮俾佢食la...
但佢又諗唔到想食乜,見系咁,我就話不如出街食la...
佢問我趕唔趕到,我仲好肯定咁答距話,仲有成個鐘,實趕到...
但結果當然自己遲到半個鐘,因為難接到的士之於,仲好鬼塞車,
因為聽講好多路都封咗,話整地鐵出口,唔知第幾線路要在08年開通...
搞到深圳好多地方都塞車,尤其星期5,6,日,呢幾日…(真系有d可怕)