番黎la,終於都捨得番黎呢到...
前幾個月發生大多既事,加上屋企又裝修,而且個幾月裏面一共搬左三次屋.
有一段時間都無得上網,果段時間真係好難挨,因為我無咩嗜好,又唔多願意去街.
難挨既日子終於過咗,真係開心...
另外一件開心事,就係見番最好既朋友阿欣
,我地成6,7年無見啦!
見番之後,覺得自己既生活好似多咗色彩咁,雖然咁多年無見,
但我同距既感情依然咁好,仲成日見面,咩都傾一餐.
尋晚仲去左佢屋企打邊爐,初初達車去到佢屋企,搭緊電梯時,
都仲未醒起佢屋企養左兩隻狗狗,去到電梯口就聽到狗叫聲,
就開始有d驚
,無理由因為我驚,就唔入架.
最後都入咗佢屋企,當時既心情真係唔知點,就係咁企咗系門口到唔敢行,
兩隻狗就系甘叫,系甘跳.阿欣就話唔洗驚架, 佢地唔會咬人,
只係聞下我陣味.坐低就無野喔!咁我就慢慢咁行到沙發果到想坐低,
但係又醒起,如果我坐低, 佢地跳起, 咁未.....( 咁樣未仲驚
)
到最後阿欣帶左我上二樓,個心先定番落黎,而且好彩,CoCo同距老公係果時都黎埋,
d狗狗就無對住我系甘叫系甘跳,因為有新目標,
阿欣屋企果兩隻狗真系太熱情....
雖然無咩,但下次再叫我去既話,我諗一樣都會好驚...
就係呢兩隻汪汪狗...
