今日番咗公司兩個鐘就走咗,因為晏就4點幾同屋企人去BBQ,
所以就早走,去咗買野,買完野就約好曬屋企人系屋企等......
其實成家人去BBQ真係第一次,感覺好正,因為好難得可以聚埋一齊.
我地由5點開始燒到9點先走......
細老起緊爐,之後我地就開始燒.....
燒到中途,我就休息一陣,見到對面湖邊既景色幾靚,所以影低......
係果個時候,就發生咗一件搞笑既事,中間張相就係la,
哈哈......燒襪係未第一次見呢?
其實係因為侄仔急尿,之前開心到無話我地知,當話我地知既時候,
已經太遲,所以瀨左,搞到條褲同襪都濕曬,所以姐夫幫佢焊干.
為咗想曬下我燒得好靚既雞翼,諗住影低曬下,
點知細老女朋友伸咗過黎,就話影佢果個,
我燒得好好架!之後就哈哈大笑.....
最後我又要影過,因為俾佢遮住,搞到我曬唔到...haha...
最後果張大家估下我燒緊乜?
係我臨尾既甜品.....
